Tuesday, September 18, 2007

قصاصات مبعثرة





دونت في مفكرتي
اني احببت
اني استسلمت
ثم ضاع ذاك الحب
فانسحبت
ولكني لم اكتب اني انسحبت

**************

اجلس مع اصدقائي امام المقهى
ليثبتوا لي يوما بعد يوم
انه لا وجود لعالمي الخيالي
وافكاري المختلطة بمشاعري
نأسف يا عزيزي فلا وجود للحب الذي تتكلم عنه

**************

من فضلك
انزعي حبك من قلبي قبل ان ترحلي
حاولي ان تجدي له مكان في حقيبة سفرك
لا تتعجبي
ولا تسأليني أين كان !!
فقد ولد هذا الحب فقط يوم قررتي الرحيل

**************

ها هو ذا قناع آخر
كنت ارتديه امام مرآتي
يذوب تحت وهج الحقيقة
أخشى من تلك اللحظة
التي اقف فيها امام مرآتي
عاريا من الاقنعة


37 comments:

Anonymous said...

هاى ازيك
انا مبسوطة انى اول تعليق
نيجى بقى للموضوع انا اكتشفت دا بدرى عنك شوية
الحب خيال احنا اللى بنعملة وبنعشق نعيش فية
رغم ان يمكن كل حاجة حواليك بتقولك انة خيال بس احنا بنماطل ونأوح
وفى الاخر تتصدم بالحقيقة فتعرف انة خيال بس بعد اية بعد ماتتجرح وتجرح
وعمر الخيال ما بيبقى حقيقة لان الدنيا بتخنق كل حاجة حلوةحتى لو أوحة بثبتلك ان هى اللى صح بردة ومش هاتديق حاجة انت عايزها ولو اتدهالك هاتمررهالك علشان انت اللى تكرها

مش عارفة انا بقول اية بس دا اللى جوايا وعايزة اقولة
تحياتى

Doaa Ebrahim Aaql said...

الحب ليس وهما
إنه حقيقة ولكننا نتجاهلها
قل لى لم نؤمن بالحب ولا نؤمن بالفراق

إذا آمنت بوجود الأبيض
فوجود الأسود حقيقة لا يجب أن تتجاهلها

****

بوست جميل
بس اتمنى انه مايكونش
بيعبر عن حالتك الشخصيه

يارب تكون سعيد دايما

خيرالدين said...

اتمنى نفس امنية دعاء ان يكون ما كتبت فكره راقت لك فسجلتها بابداع اما ان تكون تجربه شخصيه افتمنى ان يخيب ظنى

Rushdy Kamel said...

فرحة
الحب مش خيال بس علشان يلمس ارض الواقع محتاجين نترجم الخيال ونقربه من الحقيقة وهي دي المعضلة

وزي ما قلتي كدة كل حاجة حلوة صعبة ولولا كدة مش هنحس بحلاوتها وقيمتها

انا كمان مبسوط انك اول كومنت
وباتبسط كتير من نعليقاتك

تحياتي

Rushdy Kamel said...

princess dodo
صدقيني انا مقتنع بكلامك لكن احيانا باحس اني باضحك على نفسي لما اشوف قصص بتفشل علشان اصطدمت بالواقع
واحس ان الحب قناع باضحك بيه على نفسي
بس ده احيانا بس
لكن مش تجربة شخصية

شكرا على زيارك وسؤالك علي

تحياتي

===================

e7na
شكرا لزيارتك اول مرة عندي
هي فعلا مش تجربة شخصية لكنها تجربة آخرين
بس دي مجرد افكار بالنسبة لي

اتمنى اشوفك هنا تاني

تحياتي

ناردين said...

في مفكرتي وبخط عريض وواضح .. احببت ولكن..لم يكن...و سيأتي يوماً الحب الحقيقي
....
عالمي الخاص .. مدينتي السحرية .. وحدي أنا بها .. إلى أن يأتي الوحيد المدعو للسكنى بها .. وبي
....
ترحلين؟ لم يكن هذا اتفاقنا .. كنتِ هنا .. وكنتُ راضياً .. ترحلين فينشق حجاب المعبد .. وتصيبني اللعنة
....
ها قد جهزت 365 قناعاً بعدد أيام العام .. كل يوم قناع .. ويلي من السنة الكبيسة .. بها يوم .. أواجه فيه نفسي .. فأرى الجميع .. ويرونني .. ليته لا يجئ
......................
بجد الله عليك
والجميل .. قدرتك على انك تحس بناس تانية .. كان الامر مسّك شخصيا ودا بيبان ف احساسك بكل كلمة

Anonymous said...

بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر

The Alien said...

كتير وأنا بكتب بيجيلي نفس الإحساس
بس ف اﻷخر بكتب إني إنسحبت

صدقني مش متأكد إذا كان موجود ولا خيال
بس حاسس إنه موجود للي بيحب بس
وبمجرد ضياع الحب .. يصبح غير موجود

دا أنا بستني وبدور ع اللحظة اللي بقف فيها عريان قدام مرايتي
دي اللحظة اللي بجد اﻷقنعة بتقع فيها
ولا إنت مش عايز تشيل اﻷقنعة؟

تحياتي

Rushdy Kamel said...

نارديــــــن
لقد كذبت كثيرا على مفكرتي فانسحبت ولم تعرف مفكرتي اني انسحبت

اني احسدك على ال 365 قناع
اني امتلك القليل منهم ولا استطيع حمايتهم

تحياتي على الحضور المتميز

Rushdy Kamel said...

The Alien
المشكلة اني ساعات باحس ان عندهم حق وان الحب خيال بس ومش عارف اترجمه للواقع

صعب اتخلى عن اقنعتي لانه مش بارادتي
احنا مجبرين نقابل الناس باقنعة كل يوم

منورني دايما يا بيشو

طارق هلال said...

اذا كان كلامك عن الاقنع فطبيعى انه مؤلم اننا نعيش بالأقنعة
ومؤلم اننا نكتشف أقنعة من حولنا
أما الكلام عن ان الحب خدعة
فصجقنى دى أكبر كدبة اخترعها المحتالون علشان يهزوا ثقتنا فى مشاعرنا

وبالتالى يكون الذنب ذنب الضحية انها مصدقة الكدبة
والحقيقة ان المحتال هو المذنب لأنه شوه كل المعانى الحلوة
وحتى لو ماكانش فيه محتال يبقى عديمى الصبر بيقولوا احنا اتخدعنا فى الحب لأنهم مش قادرين على الاخلاص والوفاء لضحايا القدر أحبابهم

يعنى الحب موجود ولكن لا يتمسك به إلا أصحاب المشاعر الفياضة

ولا إيه
كلماتك جميلة وتعبيراتك حلوة

تحياتى

ناردين said...

صديقي .. اعظم الزائفين المخادعين معندهمش 365 قناع ولا حتى اشطر ممثل كبير معظم الناس اربع خمس اقنعة قناع لامبالاة ، قناع ابتسامة ومن جوه مخنوق ، قناع حاضر بس امشي من قدامي الساعة دي .. كده يعني .. دا كان مجرد كلام تخاريف مني نتيجة التأثير القوي لكلامك
في امر الاقنعة .. لو اتكلمنا بقى واقع وحقيقة .. استخدام الاقنعة بيريح الاخرين وبيتعبنا .. لو قطعنا الاقنعة كلها وواجهناالحياة بدون قناع هنستريح احنا ومحدش هيصدقنا وهيقولوا اننا بنمثل .. وعجبي

Sдmo said...

صدقنى انت اسلوبك جميل جدا

كلماتك سلسه ومعبره

وربنا يعلم انا حاسس بكلامك ده يمكن زيك واكتر شويه كمان

يعنى ببساطه كده

كلنا هذا الرجل :)

Rushdy Kamel said...

Arabic ID
صدقني ومؤلم كمان انك تشيل قناع ورا قناع وتواجه الحقيقة بدون اقنعة على الاقل قدام نفسك

اما الحب فأنا متفق معاك جدا ان اللي بيقول كدة معرفش يحب وبيدعي انه مفيش حب اساسا , المشكلة في المجتمع والظروف اللي بتقتل الحب ونحس انهم اكبر من الحب وان الحب ده حالة عابرة مش شعور

انا مبسوط جدا لتشريفك عندي
تحياتي

Rushdy Kamel said...

نارديــن
انتي عارفة ان احنا بنحتمي في الاقنعة من حاجات كتير جدا وأولهم نفسنا يعني قبل ما نواجه الناس بدون قناع لازم نواجه نفسنا الاول من غير ما نخاف

شكرا

==================
Sдmo
مبسوط جدا اني اتكلمت عن حاجة ناس تانية حاسة بيها ومبسوط اكتر انك شرفتني في مدونتي المتواضعة
اتمنى اشوفك تاني
تحياتي

catroz said...

مش عارفه ااقول ايه
عشان انا قلبى واجعنى اووووووى
بس عارف
ساعات بييجى لنا الاحساس ده اوى
و ساعات بنبقى عايشين بنحلم اوى
مش عارفه بقى ايه الصح و ايه الغلط
بس انا قلبى واجعنى اوووووى :(

rack-yourminds said...

سعيد بمعرفة مدونتك

كل سنه وانت طيب

(green eyes) said...

اعتقد ان الانسان من غير خيال ميقدرش يعيش ...
وحاجه لصالحك انك تشوف نفسك ادام المرآه بدون اقنعه ... ناس كتير مبتشوفش حقيقتها في المرآه...
حلو اوي احساسك دا..
تحياتي

Rushdy Kamel said...

catroz
اسف على الوجع
الصح ان لو بطلنا نحلم نموت
والغلط ان نخاف من الصدمة فنبطل نحلم
كويس انك حاسة احساسي
شكرا يا عزيزتي

====================
rack-yourminds
مبسوط للزيارة
اتمنى اشوفك هنا تاني

====================
(green eyes)
المنطقي يقول ان كل ما الحقيقة تبان قدامك كل ما يبقى احسن لكن احيانا بتكون الحقيقة صادمة لينا علشان كدة بنخاف نعترف بيها حتى قدام نفسنا
شكرا للزيارة

real love said...

إهداء خاص إلى بيج كود
انت دونتها
ولكنى للعالم أعلنتها
ولكن انت من أضاع ذاك الحب
ولكنى انا من حبك انسحبت
ولم يكن كلامك لأنسحابنا شرط
.....................
ولكن انا أجلس مع ذكراك
ونهيم في عالم خيالنا
وأفكارنا وذكرانا
ونقول اين من علمنا الخيال
ليهيم معنا في الخيال
ودنيا هوانا
........................
من فضلك علمنى أن أنساك
أن انسى اهواك
أن امحى ذكراك في قلبي من الأعماق
قررت الرحيل هرباً ويأساً منك
هربت من صمتك القاتل
........................
اليوم القيت كل اقنعتى
لأحاول أن أريك من كانت بالهوى
تعشق كل مافيك
تعشق حتى القسوة في عنيك
تعشق الأمال
تعشق الصمت الملئ بالكلام
تضحك بشفتيك
تتحدث بلسانك
تعيش بعمرك
ولكن أنت
اين انت
لاتدري كل هذا جرحت وبعدت
ولم تدري بعاقبة كل هذا
لقد اصبح حبك نقش فرعوني على قلبي
نقش على حجر من الجرانيت
نقش في قلبي نقش مميت
,,,,,,,,,,,,,,,,,,,,,,,,,,,
فكرتني بحدوتى وكلام حبيبي اقصد اللى كان حبيبي ليا
وعشان كدا بهديه إليك
مبدع يا جميل
..........
ريال لف

real love said...
This comment has been removed by the author.
ســـــــمــــكة said...

يبدو حقا ان الحب مؤلم...احاسيسك رائعة وكلماتك معبرة جدا

mirage said...

تعكس المرآه عري ارواحنا ...
لا يهم اذا تعرينا امامها ام امامهم
المهم التعري امام انفسنا
جميلة كتابتك ..
تحياتي

Rushdy Kamel said...

real love
الى ريال لف الجميلة
لقد اعطيتي لكلماتي معنى وان كنت قد ذكرتك بحبيبك او من كان حبيبك فأنتي اجدت التعبير عن نفسك فهذا الاحساس لا يخرج الا من قلب صادق

اشكرك كثيرا
تحياتي

Rushdy Kamel said...

ســـــــمــــكة
لا يوجد شئ جميل وفي ذات الوقت الطريق اليه غير مؤلم

نورتنيني

======================
Mirage
عزيزتي هذا حقا ما أحسه
فأقنعتي ليست امام الناس انها امام نفسي ولم اتحين الفرصة لحرقها جميعا او لربما اخشى من مجابهة ذاتي المليئة بالعيوب
شكرا للزيارة
تحياتي

smraa alnil said...

مش عارفة اقولك ايه بجد

كلام اكتر من رائع

قد يكون الحب خيال نرسمه ونعيشه ونصحو علي الفزع بان لا هناك خيال
لكن من يدري قد تكون واحدا من بين الملايين اللي هتتحقق ليهم احلامهم وخيالهم

قد تأتيك اميرتك المنسية من كتب الخيال

وترتدي فستانها الثقيل الطويل
مسرعه اليك لترتمي في احضانك
فقط احلم

كل سنة وانت طيب

فين الكحك بقي

ناردين said...

كل سنة وانت طيب وعيد فطر مبارك وسعيد عليك وبطل بخل بقى ومش كل ما اجي الاقيك لسه مكتبتش حاجة جديدة
وحشنا كلامك
سما وناردين

nour el 3ozamaa said...

كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره

تحياتى لكل عظيم وعظيمه

real love said...

أنا جاية أقو كل سنة وانت طيب وأعزم على الجديد
..............
ريال لف

real love said...

أنا جاية أقو كل سنة وانت طيب وأعزم على الجديد
..............
ريال لف

rack-yourminds said...

غايب يعني مفيش جديد

Doaa Ebrahim Aaql said...

طمنى عليك يا جميل
من فترة مش بشوفك
وبدخل عندك
مفيش جديد

يارب تكون بخير


وطمنى عليك

سلام

(green eyes) said...

بقالك كتير مكتبتش مفيش جديد ؟؟؟
كل سنة وانت طيب

Rushdy Kamel said...

smraa alnil
لا انتظر ان يلبس الخيال ثوب الواقعية ولكني آمل في يوم ان تقل المسافة بين الحلم والواقع

اسف للتأخير وشكرا للزيارة

Rushdy Kamel said...

شكرا لكل اللي سألوا علي وقالوالي كل سنة وانت طيب
انا فعلا كنت مشغول جدا واتمنى اقدر احط حاجة في اقرب فرصة

شكرا

catroz said...

انا داخله هنا مخصوص تانى
عشان اقرا دى تانى ..:)

ابن القرية said...

كلام جامد جدا ياعم ايه دا كله