الموضوع بيبدأ بالحب .. الغريزة اللي بتعرف تختار
الحب الشعور الفطري البرئ اللي حير الناس في وصفه
اتنين عايشين بيحبوا بعض دايبين في عالم من الرومانسية المطلقة
ومش متخيلين اي حاجة في الدنيا ممكن تفرقهم عن بعض
شافوا في بعض كل حاجة
!! وفجأة
اتنين عايشين بيحبوا بعض دايبين في عالم من الرومانسية المطلقة
ومش متخيلين اي حاجة في الدنيا ممكن تفرقهم عن بعض
شافوا في بعض كل حاجة
!! وفجأة
يتصدموا بالواقع الاليم
ان علشان حبهم يستمر عاوز فلوس .. ايوة فلوس
ان علشان حبهم يستمر عاوز فلوس .. ايوة فلوس
!!! ياااه يعني الرومانسية دي محتاجة فلوس علشان تستمر ؟؟ ايوة طبعا وإلاّ ؟
اصل البنت متقدملها عريس جاهز عملي ميعرفش يعني ايه حب وكلام فاضي
!!! طيب الولد والبنت ذنبهم ايه
!! ذنبهم انهم حبوا بعض حب برئ
طيب والحل ؟؟؟
مفيش حل .. علشان تحب يا حبيبي لازم يكون معاك فلوس
!!! طيب هاحاول اجيب شقة بس مش لازم الشبكة دلوقتي
لأ ازاي دي تقاليد .. بنت عمها جابولها شبكة بالشيء الفلاني ودي متقلش عنها في حاجة
بس انا مش معايا
اللي معهوش مايلزموش
!!! ياااه للدرجة دي البنت بقت سلعة للي يدفع اكتر
قصص حب كتير أوي بتفشل علشان الفلوس
اصل البنت متقدملها عريس جاهز عملي ميعرفش يعني ايه حب وكلام فاضي
!!! طيب الولد والبنت ذنبهم ايه
!! ذنبهم انهم حبوا بعض حب برئ
طيب والحل ؟؟؟
مفيش حل .. علشان تحب يا حبيبي لازم يكون معاك فلوس
!!! طيب هاحاول اجيب شقة بس مش لازم الشبكة دلوقتي
لأ ازاي دي تقاليد .. بنت عمها جابولها شبكة بالشيء الفلاني ودي متقلش عنها في حاجة
بس انا مش معايا
اللي معهوش مايلزموش
!!! ياااه للدرجة دي البنت بقت سلعة للي يدفع اكتر
قصص حب كتير أوي بتفشل علشان الفلوس
اكره ان الحب تحكمه المادة
اكره ان الجواز بتفرض على حد
اكره اني اشوف البنت سلعة مباعة للي يدفع اكتر
اكره ان البنت متقاومش اهلها علشان اللي بتحبه حتى لو هايشحتوا سوا
اكره ان المجتمع يتدخل بتقاليد غبية تسبب في هدم احلام بريئة
اكره ان الشبكة تكون من الاساسيات اللي ممكن بسببها حد يتفضل عن حد
الحب والجواز دول قرار اتنين بس بيشتركوا فيه واكره ان حد تالت مهما كان يحدد معاهم مستقبلهم
اكره ان الجواز بتفرض على حد
اكره اني اشوف البنت سلعة مباعة للي يدفع اكتر
اكره ان البنت متقاومش اهلها علشان اللي بتحبه حتى لو هايشحتوا سوا
اكره ان المجتمع يتدخل بتقاليد غبية تسبب في هدم احلام بريئة
اكره ان الشبكة تكون من الاساسيات اللي ممكن بسببها حد يتفضل عن حد
الحب والجواز دول قرار اتنين بس بيشتركوا فيه واكره ان حد تالت مهما كان يحدد معاهم مستقبلهم
34 comments:
الموضوع دا كان لازم يتكتب فيه من زمان. المنطقي دلوقت ان الواحد يكوم نفسه لحد خمسين سنة علشان يقدر يتنيل على عينه يتجوز. تماحيك وتقاليد وكلام فاضي. بس انا عايز اطمنك. بعد شوية لما اهالي البنات يتعبوا، وقضية الجواز تفشل، التقاليد هتوطي. وبعدين انا لو هاحب واحدة مش هتحارب معاي يبقى بلاش منها.
بوست عايز يبقى سلسلة، حاجة كدة زي حملة
تحياتي
ana msh fahma 2h lazm shabka we dih takalid,howa bibi3 tlaga,kol 2l nas bsah lel folous,tab ya gam3a manfakar shewaya sa7,mmkn ykoun wa7d 3ala ad 7alou bs 7ay7afiz 3aliha bgd wala wa7d ma3a flous yewariha 2l nogoum fi 3z 2l douhr,maho sa3tha 2ahlaha msh 7aynta2o wala 2h bs?
bs bgd post ygann wana ma3ak fi kool klamak :)
Samir
زي مابتقول بالظبط كدة تكون نفسك في خمسين سنة وبعد كدة تاخد واحدة من حبيبها بكل بساطة
ياريت ياخي الاهل يتحرروا من التقاليد
انا مستعد استنى لو فيه أمل
:)
فعلا لو حبيبتك مش هتضحي علشانك يبقى مش فارقة معاها كتير الانسان اللي هاتعيش معاه
ياريت تشارك معايا في الحملة دي
انا نفسي كله ياخد باله ويتغير بجد
تحياتي يا صديقي
R.O.U.R.O.U.
صدقيني انا مش ضد الشبكة كمان
لكن انا ضد ان الموضوع تتدخل فيه عوامل تانية تهدم احلام ناس
لو الشبكة في الامكان مفيش مشاكل
مبسوط ان فيه بنت موافقة على الرأي ده والفكرة كلها ان البنت والولد هما بس المسئولين عن حياتهم ومستقبلهم
تخياتي
تعال وقول تعليقك على
يبقى انت اكيد في مصر
عندك حق فعلا
خصوصا ان البنت مترفضش
انا ليا صاحباتى فى الجامعة كانو فى منتهى الاستفزاز
البنت تبقى بتحب واول ما ييجى عريس تقول لى اصلى
مش ينفع اقول لأ
طب ولحد امتى هنفضل نقول موافقين
واحنا من جوانا مش موافقين
ياريت الناس تفوق شوية وتعرف ان زمن العبودية والجوارى انتهى من زمااان
احييك على البوست الرااااائع
عندك حق اوافقك فى كل ما قلته
الحب بالفعل قرار اثنين فقط \
هم من يقررا ان يكملوة ام لا
موضوع جيد فعلا
Big Code
جميل البوست وهادف بيعبر عن حا له استقرت فى وجان العائلا ت والبنت المصريه بشكل عا م وهى الماده
النهارده البنت
تسالها شفتيه تقولك لا
بس شوفت فلوسه
مشكله
نادر لما تلاقى بنت تشترى انسان بيحبها وتتخلى عن الماده
تحيا تى
princess dodo
عزيزتي دودو
الناس دي بتفكر بشكل مادي بحت
وفاهمة ان العاطفة دي شقاوة شباب
وبيفرحوا في الاول بس بالشبكة والهدايا
وفاكرين ان ده هايحقق لهم السعادة
وبعد كدة بنسأل عن زيادة نسبة فشل الزواج في مجتمعنا !!
انا مبسوط جدا من رأيك
وياريت كل الناس تفكر كدة
تحياتي
semsem
مجتمعنا بقى بيتدخل بشكل بشع في كل العلاقات الانسانية علشان يفرض تقاليد بقت في ظل ظروفنا دي شبه تعجيزية
نفسي الاتنين بس ياخدوا قرارهم بعيد عن اي شئ على اساس الحب والتفاهم
تحياتي وميرسي على الزيارة
عزيزي الجحيم
كل الناس بتخاف على بناتهم وعلشان مش قريبين منهم مش قادرين يفهموا مشاعرهم ولا ظروفهم وفاهمين ان الحفاظ على مستقبلهم يحصل بالفلوس بس من غير اي حاجة تانية وزي ماحصل معاهم وربنا ستر هايحصل مع اولادهم
وياما جوازات باظت علشان شبكة وشوية فلوس والمشكلة الاكبر لما تكون البنت مقتنعة برأي اهلها وتفرح بالعريس الغني زي مانت بتقول كدة
امتى هانتغير بس !! لما كل الجوازات تفشل ؟؟ ولا لما الناس تبطل جواز ؟؟
شكرا لزيارتك يا عزيزي
بص انا منكرش ان الماديات بتدخل في العلاقة دي بس هقولك حاجة البنت اللي بتحب بتشوف القشة دهب وبتقدر صدقني تقنع اهلها باللي هيجيبه مهما كان قليل كمان وهي بتقنعهم بكده بتكون حريصة على انها مش تقلل بيه وبتنقل لهم أن ده الحال العام يعني بتكبر بيه وبنفسها في نفس الوقت اه لو الناس تعرف ان الحب والله ماهيتعوض باي حاجة الفلوس بتجي وبتروح الحب مبتعوضش سلامي ليك
احنا بنشتري راجل ... !
متهيألي الجملة دي اختفت في كلامنا
انت معاك حق في كل اللي بتقوله
أصبح اهتمام عالبية الأهل الأساسي هو امكانيات العريس المادية
اللي يغيظك يا جدع ان ممكن العريس يكون راجع من بلاد برا ميعرفوش عنه أي حاجة ولا كان بيعمل ايه .. يجي يتجوز البنت ويسافروا سوا .. طب ازاي أهل البنت يطمنوا انه هايعاملها كويس .. طب لو حصلت مشكلة بينهم البنت تروح فين .. ببساطة الأهل رموا بنتهم لواحد كل اللي يعرفوه عنه انه غني .. ومش مهم أي معايير تانية ..
بس عايز أطمنك .. لسه في بنات ممكن تحارب أهلها عشانك .. ولسه فيه أهل بيحكّموا العقل وهايدوك فرصة عشان توصل ..
تحياتي يا ولة .. أتمنى أشوفك قريب لأنك وحشتني جداً
انا كمان بضم صوتي لصوتك
وبرفض ان يحكم الحب المادة
عارف من كام يوم اتكلمنا انا وخطيبي
وقلنا انا احنا ممكن نتجوز باقل التكاليف ومش لازم شفتنا تكون كاملة من كله يعني
واحنا لما نتجوز هنجيب الحاجات اللي ناقصانا براحتنا
مش عايزة اقولك كان رد فعل العيلتين ايه
ازاي وليه شوفوا فلان دخل علي ايه وعلانة جاولها ايه
احيانا الاهل هم اللي بيبوظوا العلاقة
والبنت احايانا بتبقي مجبرة علي وضع عين
اي نعم مش في بنت بتتجوز غصب عنها
بس في بعض الحالات الاهل بيكونوا حيوانات
وبيكونوا اشرس من ذئب بشري
واحيانا البنت بتقبل انها تبيع حبيبها عشان علي الاقل تخلص من الحياة اللي هي عايشة فيها
يعني في حالات بتبقي استثنائية
قلوب حائرة
ايووووووة
البنت اللي بتشوف القشة دهب !! هي فين دي بأى
احنا اترسخ في ذهننا كلمة عريس=راجل جاهز ملو هدومه محترم وابن ناس
عريس بأى
لكن ازاي وازاي واحد مش جاهز يتجرأ ويتقدم لواحدة بيحبها وبتحبه
للأسف .. الحب مالهوش اي قيمة
تحياتي وشكرا للكومنت
The Terminator
ازيك يا وس واحشني ووحشاني كومنتاتك جدا
احنا بنشتري راجل وخلي بالك من ان راجل دي ممكن تكون معناها بنشتري واحد ابن ناس او من عيلة
انا قصدي ان فيه عوامل تانية بتأثر في اختيار الاهل للعريس غير مشاعر البنت
وللأسف البنت نفسها لما بتيجي تختار بتحط العوامل دي كمان
يعني مثلا مدام الولد اخلاقه كويسة خلاص , هل معنى كدة ان اي واحد اخلاقه كويسة ينفع ؟؟
مش فيه حاجة اسمها مشاعر ده شريك حياة مش لعبة
وكمان الاهل بيبقوا خايفين على بنتهم جدا وعاوزين يطمنوا عليها بأي شكل
وشايفين ان الفلوس هي الحاجة الوحيدة اللي تضمن الاستقرار العائلي
للأسف الموضوع ده صعب الاستقلال فيه عن المجتمع
لازم هانحتك بيه في يوم
وربنا يكتر من امثال البنات اللي بتتكلم عنهم دول
تحياتي يا مان
smraa alnil
فرحان انك ضمتي صوتك معايا فرحان ان فيه بنات حاسة بالمسئولية اللي بيقع فيها الولاد
ده طبعا نابع من حب صادق بخطيبك واحساسك معاه بالمسئولية
عاوز اقولك حاجة
دي حياتكم انتوا الاتنين بس
مفيش حد هايشارككم بيتكم غير اولادكم ان شاء الله
اتحدوا الكون علشان تعيشوا زي مانتوا عاوزين
صدقيني مش عارف اقولك ايه
انا مش في الموقف ده ومتضايق جدا
فعلا مفيش بنت بتتجوز غصب عنها
بس في بنات بتنسى الحب اللي هو اساس الاسرة علشان فيه واحد تاني جاهز
والحب ييجي بعد الجواز
وان مجاش ؟؟ ياستي هو فيه حد بيفكر في الحب تاني بعد مايجوز
نفسي نثور و ننتزع ابسط حقوقنا من دوامة العادات والتقاليد الغبية
شكرا لتعليقك واتمنى لك مستقبل سعيد مع خطيبك
ليه بس ياولدي بتفتح ف المواضيع دي
طبعا الفلوس مهمة
وأي علاقة عايزة فلوس
بس إحنا اللي عاملين كدا ف نفسنا
الحب بعيد تماما عن المادة
والدليل إننا حتي مش بنعرف نوصفه
المشكلة إن عندنا نظام كله غلط من أوله
من أول وضع المرأة لغاية نظام الجواز
بس البنات برضه عندها مشكلة
يعني تلاقي البنت بتحب وهتموت وتبقي مع حبيبها وتيجي ساعة الجد تلاقيها عملت عبيطة وتقلك أصل دي طلبات أهلي وأنا مقدرش أقولهم حاجة
والموضوع دا بيحصل كتير وبالذات مع الشبكة
أنا مثلا شايف إن الشبكة دي حاجة غبية موت وملهاش أي لزمة بس تقول لمين
قصة مأساوية وياما قصص حب إنتهت ولسه قصص تانية هتنتهي بالمنظر دا
تحياتي
the alien
غصب عني بافتح في المواضيع دي من اللي بشوفه
جوازات بتتهدم قبل ماتتبني
وناس تعيش تعيسة مع حد كل امتيازاته مادية فقط
انا بتكلم ان الجواز بقى عامة شئ معقد واسهل مثال انهم بيقولوا
الراجل ده شكله داخل على جواز
مع انا مش شايف فرق بين الحب والجواز غير اني في الاخير بابني اسرة جديدة
لكن مادام حبيت واحدة ازاي ممكن اعيش مع غيرها ماهو أنا كأني اجوزتها بالظبط
كان بتعجبني الافلام القديمة لما كمال الشناوي وشادية ييجوا في اخر الفيلم يركبوا العربية ويكتبلهم المأذون الكتاب في العربية وخلاص !! وتمشي العربية ونلاقي كلمة النهاية على الرخصة
مش عارف ازاي هانتفادى الاحتكاك بالتقاليد في الموضوع ده
تحياتي لمرورك
ايه ايوه انت صح
انا معاك فى كده اوى
كتير اوى بيضيعوا البنت بسبب كلام فارغ زى كده
ايه يعنى
هاممهم المظاهر و فلان عمل ايه
و مين عمل ايه
لا التفكير مش هيبقى كده ابدا
اللى هحبه
هعمل كل حاجه عشان نقدر نكمل مع بعض
و مش هيهمنى البيت يكون كلما ولا تؤ
ولا الفرح هيبقى ايه
المهم انى اكمل حياتى مع الانسان ده مهما يكون
ده المهم عندى و بس
اكيد مش اخسر لا اهلى ولا حبيبى بسبب حاجه زى كده
دورنا بقى احنا نحاول نفهمهم ايه الوضع و ايه اللى ممكن يحصل
مره كنا فى فرح
و كان الفرح مش حلو اوى
لقيت واحده بتقولى
انا يا هعمل فرح محترم بجد
يا مش هتجوز
فرح محترم
دى فيها يا بنتى بتاع 40 الف
طيب و على ايه
اى فرح و خلاص
و الفلوس اللى هتتصرف دى كلها
تجهزوا بيها حاجات فى الشقه
تبنوا بيها مستقبل ولادكم
تعملوا بيها اى حاجه مفيده
مش تضيع بالطريقه دى
مش بقول يبقى الفرح وحش
بس يكون فى المعقول
البوست جاااااااامد اوووى
تحياتى
:)
catroz
مبسوط جدا انك معايا
ومبسوط اكتر ان فيه بنات كتير معايا في الرأي ده
المشكلة ان بداية اي جوازة تقليدية بتبقى سعيدة ومفرحة علشان الهدايا والفسح والتعارف وكدة لكن الكل بينسى ان اللي يقدر يحدد شكل الحياة بعد الجواز هو حاجة واحدة .. الحب بس
وفيه ناس كتير زي صاحبتك دي يهمهم أوي انه يتقال ان الفرح كان شكله ايه وكان فيه ايه ناسيين ان الحياة الزوجية مش ليلة واحدة ده عمر طويل
اهم حاجة انك تفضلي محتفظة برأيك ده وانا نفسي كلنا كشباب نعترض على اي تدخل في حقوقنا
تحياتي لتعليقك الفعال
على فكرة الحب هيرتبط بالمادة على طول واللي بيحبوا بعض مش هيكملوا حبهم الافلاطوني لأسباب كتير اهمها ان البنت عندنا في مصر بتفضل طول عمرها مش صاحبة قرار يعني بيفضل اهلها يتحكموا في قلبها وعقلها ويلغوها لحد ما تتجوز وبعد كده بيكمل عليها جوزها اللي اشتراها
لازم نسيب الولد والبنت يقرروا ويتحملوا مسئولية قرارهم واختيارهم بعيد عن مظاهر كدابة زي الشبكة والفرح والماديات الغريبة دي
تحياتي
عزيزي انا حر
احيانا كمان البنت ممكن تفكر انها لما هتتجوز هاتستريح من القهر اللي هي فيه بغض النظر عن مين اللي هاترتبط بيه
وهي هاتبص على شوية صفات تقليدية بحتة زي ما العريس كمان بص على الصفات دي عندها
وبما ان فترة الخطوبة بتكون عبارة عن قناعين بيكلموا بعض هنلاقي ان الصدمة الكبرى هتكون بعد الجواز
ده كله علشان مفيش حب
فيه مادة وبس
حقيقي نفسي المجتمع يغير النظرة دي عن الجواز وعن الحب
تحياتي وميرسي على التعليق
اة الموضوع دا موجود فعلن
وبردة فية بنات بدافع عن حبها وبتقف فدام اهلها بس مش شرط انها تزعلم وطقاتعهم علشان اللى بتحبة تخسر اهلها
الموضوع دا محتاج شوية وقت بس فى الاخر محدش يقدر يخلى بنت تعمل حاجة هى مش عايزها
بس المهم اللى بتحبة يكون عايزها ويحارب علشان ياخدها مش عند اول مطب يقف ويقول ما فيش فايدة
دا بقى بيبين اللى بيحب بجد واللى عايز كل حاجة ومش يعمل حاجة وفى الاخر يقول هى مش عملت حاجة هى كان لازم تزعل اهلها ومتكلمهمش يا كدا يااما هى بتفكر فى المادة وموقفتش جنبة
الموضوع عايز الطرفين يقفوا جنب بعض
يعنى ماينفعش البنت تبقى غلطانة على طول الخط لازم هو كمان يتحدى الدنيا علشانها
اسفة على الاطالة بس انا شفت الموضوع دا من بدرى وكل مااجى اكتب بلاقى نفسى هاتكلم كتير اروح امشى بس صراحة موضوع حلو اووى
ياريت اكون وضحت جزء من اللى عايزة اقولة
تحياتى للموضوع الواقعى دا
جميل اللي انت كاتبه دا بس هنعمل ايه
انا كمان وقعت في نفس اللي بتكتب فيه دا بس ايه الحل ؟
اللي بيحب بقه لازم يضحي بحبه دا علشان مايعملش للبنت مشاكل مع اهلها
بس التضحيه دا لما بيكون حب صادق بتكون اكبر تضحيه في حياتك واصعب قرار بتاخده والله يكون في عون اللي حب بجد
فرحة
بصي يا ستي انتي حطيتي ايدك على نقطة خفية فعلا وهي تضحية الولد علشان البنت وعلشان الحب .. يعني الولد يعمل اللي عليه ولو مقدرش ينفذ الطلبات دي ساعتها لازم البنت كمان تعترض وتتحدى اهلها علشانه
بس انا شايف ان الاحسن ان البنت هي اللي تقرر ايه حقوقها واللي لازم علشانها الجوازة تتم وعلشان تقدر تتطمن ان فيه واحد محترمها ومقدرها
انا عاوز اقول ان المجتمع فرض علينا حاجات وحاجات وياريت نفكر فيها قبل ما نعملها
يعني لو وصلوا الاتنين لمرحلة التفاهم كل واحد هايوفر للتاني حقوقه في حدود امكانياته
انتي نورتيني بجد
واتمنى متكونش اخر زيارة ليكي
تحياتي
spyfun
عاوز اقولك اللي يضحي بحبه يبقى ببساطة مش بيحب بجد
اللي بيحب جدا عارف ان التاني مش هيقدر يتخلى عنه برضه وان حياتهم من غير بعض مستحيلة
الحب احيانا بيكون عاوز حرب ضد الكون علشان يعيش
مش عاوزين السلبية تغلبنا في الحرب دي
ميرسي جدا على الزيارة
تحياتي
المشكله اني بجد عايز احارب لوحدي البنت اهلها مسيطرين عليها و هي بتخاف موت منهم ومش عندها المقدره انها تقف قدامهم يمكن زي مانت بتقول هي مش حبتني بالقدر الكافي انها تقف قدام اهلها علشاني
لكن كلامك كله صح في صح تحياتي علي المدونه الجميله دي
انا معاك وموافقة ان البنت لازم تضحى وتتنازل
بس صدقنى هى لما تلاقية شاريها وبيضحى اكيد هى مش هاتقف تتفرج احنامش سلبيين للدراجادى وبنعرف نحب ونضحى بس لما نلاقى الطرف التانى متمسك مش سايب كل حاجة علينا ، وحتى الاهل بردة
مش هايرديهم تعاسة بنتهم بس لازم يحسو انة عايز يعمل اى حاجة بس دا اللى فى استطاعتة ومش قادروصدقنى هما مش هايعرضوا لما يعرفوا اد اة هى غالية عندة وعايز يعمل اى حاجة علشانها
مش يقف يتفرج من بعيد ومطلوب البنت تحارب لواحداها ولو تعبت وقفت هو اللى يساعدها ويعمل اى حاجة فى سبيل يكون معاها
بصراحة انا شايفة السلبية فى ولاد كتير وعايزين البنت تجلهم على طبق من دهب وهما قاعدين
عارف لما تعافر علشان حاجة هاتفضل شايلها فى عنيك وهاتفضل غالية عليك علشان انت تعبت علشانهاودا طبعاً بجانب الحب
تحياتى ليك ومرسى على منقاشتك وكلامك معايا
سلااااام
spyfun
اسف يا صديقي ان كنت قلبت عليك المواجع لكن بجد انت قدمت مثال واضح للكلام ده كله
انا نفسي تعدي ازمتك دي بجد انت او اي حد في نفس المشكلة
صدقني انا مش شايف اي حق لتدخل المجتمع في حياتنا بالصورة دي وزي ماقالت فرحة ان ممكن يكون العيب من الولد
اتمنى متكونش كدة وتكافح لاخر لحظة علشان اللي بتحبها
تحياتي ومشرفني دايما
فرحة
انتي عندك حق في كل الكلام ده
الولد فعلا لازم يحاول ويحاول حتى لو عمل 1% من المطلوب بس اسمه تعب وقدم كل اللي عنده علشان حبيبته وهي كمان هتقدر ده وتحترمه جدا.
بس الولد ممكن يبقى سلبي لما يفقد الامل انه هايعمل حاجة يعني هايجيب الشقة امتى ولا هايحوش فلوس الشبكة امتى هيلاقي نفسه ماشي في طريق مسدود وده كمان غلط لازم يحاول على قد مايقدر
انتي شرفتيني بجد
واتمنى تكوني زائرة دائمة عندي
تحياتي
انا بدات اكرة ان انا احب ياراجل
ههههههههههه
استفزني جدا البوست بتاعك دا
اولا : سردت البوست بطريقه هايلة
ثانيا : انت بصيت للموضوع من زاويه وسيبت زاويه تانيه
ثالثا : انا عاوزه اسجل اني
بكره الولد اللي البنت بتكون اقوى منه تقدر تحدد اهدافها وتقوله انا عاوزاك وهو يتحجج ويقولها الظروف وعلشان بحبك وافقي على العريس المتقدم
تحياتي
kafrawy
ما هي دي المشكلة ان احنا هانبتدي نبطل نحب اصلا
تحياتي
=========================
mayoya (green eyes)
شكرا على المجاملة دي
واسف على الاستفزاز بس انا بتكلم فعلا عن الجانب ده بس ومقلتش ان الجانب التاني مش موجود ده لأن الاكثر انتشارا دلوقتي ان الناس الجاهزين ماديا بس هما اللي بيجوزوا ومش مهم الحب ولا المشاعر ولا اي حاجة تانية
اما عن كلامك فهو موجود برضه وانا مش معترض عليه بتاتا
شكرا للزيارة
اتمنى اشوفك هنا دايما
Post a Comment